1. Türkiyədən gətirdiyim sənədləri (diplom, tələbə haqqında arayış (öğrenci belgesi) və s.) Konsulluq şöbəsində apostil etdirə bilərəm?

Konsulluq şöbəmizdə Türkiyədən alınan sənədlərə apostil verilməsi proseduru həyata keçirilmir. Sözügedən sənədlərə apostil verilməsi proseduru Türkiyədəki kaymakamlıqlar (icra hakimiyyəti) tərəfindən həyata keçirilir.

2. Türkiyəyə səyahət edəcəm, Türkiyədə nə qədər qala bilərəm?

Azərbaycan vətəndaşları yaşamaq icazəsi üçün müraciət etmədən, 180 gün ərzində 90 günü keçməmək şərti ilə Türkiyədə 90 gün qala bilərlər.90 gündən çox qalmaq istəyən vətəndaşlar yaşayış icazəsi üçün yaşadıqları vilayətin Göç (Miqrasiya) İdarəsinə müraciət etməlidirlər. Ətraflı məlumat üçün Türkiyə Respublikası Daxili İşlər Nazirliyinin Miqrasiya İdarəsinin internet saytına (www.goc.gov.tr) daxil olmaq lazım gəlir.

Bundan əlavə, Türkiyə ilə Azərbaycan arasında bağlanmış Konsulluq işləri üzrə müqaviləyə görə Azərbaycan vətəndaşları da yeni şəxsiyyət vəsiqəsi ilə Türkiyəyə vizasız gedə bilərlər.

3. Türkiyədə qalma müddətimdən çox qaldım və deportasiya edildiyimi bildirdilər, deportasiya müddətimin nə qədər olduğunu necə öyrənə bilərəm və yenidən Türkiyəyə getmək üçün nə etməliyəm?

Türkiyədə qalma müddətindən artıq qalarsınızsa və deportasiya olunduğunuz bildirilərsə, deportasiya müddətini deportasiya əməliyyatını icra edən məmurdan soruşa bilərsiniz. Belə ki, haqqınızda deportasiya əməliyyatı icra ediləcəksə, məmur deportasiya müddətiniz və əgər olarsa, hər hansı inzibati cərimələr barədə sizə məlumat verəcəkdir.

Deportasiya edilmiş vətəndaşların deportasiya müddətləri və inzibati cərimələri haqqında Konsulluğumuzda məlumat olmur və ona görə də belə məlumatlar verilmir.

Türkiyədən deportasiya olunsanız, Azərbaycana qayıtmalı və yenidən Türkiyəyə getmək üçünviza agentliyine müraciət etməlisiniz.

4. Mən viza üçün necə müraciət edə bilərəm? Müraciət etmək üçün Konsulluq Şöbəsinə gəlməliyəm?

Azərbaycan vətəndaşları viza üçün müraciət etməli olduğu hallarda, haqqında aşağıda məlumat verilmiş viza agentliyinə müraciət etməlidirlər.

SEFA VIZA AGENTLİYİ

Cəfər Cabbarlı küç. 44 Caspian Plaza 3-cü mərtəbə

Əlaqə nömrələri: +994 12 310 34 11 ---- +994 10 724 34 44

E-poçt: azerbaijan@sefavisa.com

5. Azərbaycan vətəndaşları Türkiyədəki Türkiyə vətəndaşına və ya Azərbaycan vətəndaşına Konsulluq şöbəsində etibarnamə verə bilər?

1512 saylı Notariat Qanunu çərçivəsində Konsulluq şöbəsinə yalnız Türkiyə vətəndaşları notariat əməliyyatları üçün müraciət edə bilər.

Azərbaycan vətəndaşları Türkiyədə bir şəxsə etibarnamə vermək istədikdə, bunun üçün “ASAN Xidmət”ə müraciət edə bilərlər.

“ASAN Xidmət”də veriləcək etibarnamə türk dilinə tərcümə olunmalı, notarial təsdiq olmalı və apostil möhürü vurulmalıdır. Bu qaydada veriləcək etibarnamə Haaqa Konvensiyasının üzvü olan Türkiyədə etibarlı hesab ediləcək.

6. Konsulluq şöbəsi ilə necə əlaqə saxlaya bilərəm?

Konsulluq şöbəsi ilə +994 12 444 73 43 telefon nömrəsi ilə əlaqə saxlaya bilərsiniz.

Siz həmçinin embassy.baku@mfa.gov.tr ​​ünvanına e-poçt göndərməklə Konsulluq şöbəmizlə əlaqə saxlaya bilərsiniz. Zəhmət olmasa, sizinlə əlaqə saxlaya biləcəyimiz telefon nömrəsini e-poçtunuza yazın.